Covid-19 – FLT Konzept: Deutsch / Français / Lëtzebuergesch
 
Offiziell ass et ab dem Méindeg 11. Mee 2020 nees erlaabt fir Tennis ze spillen soulaang ALL d’Bedingunge vum Konzept vun der FLT agehale ginn. Am Attachment wéi och um Site vun der FLT (Link) sinn dës Bedingungen op 3 Sproochen ze fannen. Liëst des w.e.g. am Detail duerch a respektéiert se, well all Infraktioun op bäi eis oder an engem aanere Veräin potentiell kann zur Folleg hunn, dass d’Tennis spillen nach méi strikt reglementéiert gëtt oder carrément nees verbuede gëtt.
 
Desweideren wëll ech iech op puer TC Nordstad-spezifesch Punkten opmierksam maachen an och puer generell Punkten nach eemol ervirsträichen:
 
– duerch déi ganz Situatioun an de leschte Wochen a Méint konnten d’Terrain’en net zum Zäitpunkt gemaach ginn wéi geplangt, wat heescht, dass déi 3 nei Terrain’en zu Colmar nach net färdeg sinn, d’Terrain’en zu Ierpeldéng nach bis den 18. Mee brauchen ier se bespillbar sinn, idem fir d’Terrain’en 3 a 4 (déi 2 Terrain’en beim Clubhaus) zu Ettelbréck. Zu Colmar sinn déi 2 “aal” Terrain’en bespillbar an dës sinn och déi eenzeg déi vum 11. bis den 18. fir de Public op sinn (wann se dann net vum Training besaat sinn). Ab dem 18. Mee ginn dann och d’Terrain’en zu Ettelbréck an Ierpeldéng nierft dem Training och fir de Public op.
 
– jiddereen dee wëll spille goen dëse Summer MUSS iwwert de System “balles jaunes” säin Terrain am Virfeld reservéieren. Jiddereen dee seng Cotisatioun fir d’Saison 2019-2020 bezuelt huet kritt den Accès zum System nach dese Weekend geschéckt. Déi Aaner kréien den Accès soubal d’Cotisatioun bezuelt ass, wou dese Weekend nach de Rappel wärt rausgoen.
 
– ënner kengen Emstänn ass et aktuell erlabt an d’Hal Tennis spillen ze goen oder um Tennissite ze “lungeren”, sprëch et däerf ee just um Site sinn fir Tennis ze spillen.
 
– d’Vestiairen vum Clubhaus sinn NET accessibel (just d’Toiletten däerfe benotzt ginn).
 
– virun allem déi 2 éischt Wochen däerf op kee Fall ze vill “gereibert” ginn op den Terrain’en, well se am Fong nach net genuch Zäit haten anstänneg preparéiert ze ginn an dofir de Risiko besteet se schnell ze beschädegen an da si mer de ganze Summer geplot domat. Vu dass der jo lo all scho laang net méi konnte spillen, wier et och vir iech gutt, dat Ganzt elo am Ufank mol méi roueg unzegoen 🙂
 
– Et däerf am Moment just zu 2 op engem Terrain gespillt ginn, also just Simple ass erlabt AUSSER dir kritt een Dubbel organiséiert wou der 2 aus engem selwechte Stot géint 2 Aanerer déi och aus engem selwechte Stot si spillen.
 
– All déi üblech Regelen vum Social Distancing an och soss Recommendatioune vum Gouvernement sinn selbstverständlech zu all Moment ze respektéieren.
 
– Déi Memberen déi bäi eisen Trainer Stonnen hunn MUSSEN de schrëftlechen Accord ginn, dass se wëllen trainéiere kommen a missten entre temps och schon iwwert hiren definitiven Trainingshoraire (deen a verschiddene Fäll jo huet missen ugepasst ginn) informéiert sinn. Wéi genee den Training oflafe soll ass och aus den Dokumenter am Attachment ersiichtlech, mee natirlech ginn d’Trainer selwer och nach méi am Detail gebreift.
 
Wann der nach Froe sollt hunn, dann zéckt net mer déi ze stellen.
 
Bescht Gréiss a bleift monter,
 
Chris Richartz